Politika e Privatësisë

Digital Help respekton privatësinë tuaj. Llogaritjet në këtë faqe kryhen drejtpërdrejt në shfletuesin tuaj (në pajisje) — ne nuk i ruajmë vlerat që shkruani në serverët tanë.

Çfarë të dhënash mbledhim

• Rajoni: ruhet një cookie për të zgjedhur Shqipëri ose Kosovë.
• Preferenca lokale: zgjedhjet tuaja (rajoni, tema, mjetet e përdorura dhe llogaritjet e fundit) ruhen vetëm nëlocalStorage të shfletuesit tuaj.
• CV-ja juaj: ruhet lokalisht në shfletuesin tuaj për ta rikthyer automatikisht. Nuk dërgohet te serverët tanë, përveç kur e krijoni përmes një asistenti AI (shihni më poshtë). Mund ta fshini nga Krijuesi i CV-së ose duke pastruar të dhënat e shfletuesit. Kopjet JSON që shkarkoni ruhen aty ku i vendosni.
• Lexuesi i tekstit: fotografitë që zgjidhni lexohen në pajisjen tuaj dhe nuk dërgohen te serverët tanë. Lexuesi shkarkohet nga faqja jonë vetëm pasi të pranoni dhe ruhet në shfletues derisa ta fshini.
• Mesazhet që na dërgoni: kur raportoni një problem ose sugjeroni diçka, ruajmë mesazhin, faqen ku ishit, gjuhën, madhësinë e ekranit dhe llojin e shfletuesit, që ta kuptojmë problemin. Email-i ruhet vetëm nëse e shtoni vetë, për t'ju përgjigjur. Vlerat që futni në llogaritës nuk dërgohen. Votat 👍/👎 numërohen pa emër: ruajmë vetëm sa vota mori çdo mjet në ditë, pa adresë IP.
• Reklama: rrjetet e reklamave, si GjirafaAds, shfaqin reklama në këtë faqe. Ngarkohen për të gjithë vizitorët dhe mund të vendosin cookie të tyre e të mbledhin të dhëna teknike, si adresa IP dhe lloji i shfletuesit.

Asistentët AI (Claude, ChatGPT etj.)

Nëse e përdorni Digital Help përmes një asistenti AI, asistenti i dërgon serverit tonë vetëm të dhënat që i duhen mjetit që kërkuat. I përdorim vetëm për t'ju dhënë rezultatin dhe nuk i shesim e nuk i ndajmë me të tjerë.

• Llogaritja e pagës: shuma, vendi (Shqipëri ose Kosovë) dhe opsionet që zgjodhët përdoren për të llogaritur rezultatin dhe nuk ruhen.
• CV-të: të dhënat që i dhatë asistentit (si emri, kontaktet, përvoja e punës, arsimimi dhe aftësitë) ruhen si draft që ta hapni te Krijuesi i CV-së. Drafti fshihet sapo hapni link-un, ose pas 60 minutash nëse nuk e hapni. Pasi e hapni, CV-ja ruhet vetëm në shfletuesin tuaj.
• Regjistrat teknikë: ofruesi ynë i hostimit, Cloudflare, i përpunon këto kërkesa për ne dhe mban regjistra të shkurtër teknikë (si ora, adresa e kërkuar dhe gabimet, që mund të përfshijnë adresën IP) për jo më shumë se 7 ditë, që shërbimi të funksionojë.
• Vetë asistenti: ajo që shkruani te asistenti trajtohet nga ofruesi i tij (p.sh. Anthropic ose OpenAI) sipas politikës së privatësisë së atij ofruesi.

Cookie-t

Rrjetet e reklamave ngarkohen për të gjithë vizitorët, pa një hap të veçantë pëlqimi. Mund t'i bllokoni ose fshini cookie-t e tyre te cilësimet e shfletuesit — shihni politikën e cookie-ve.

Të drejtat tuaja

Mund të fshini në çdo moment të dhënat lokale duke pastruar të dhënat e shfletuesit.

Kontakt

Për pyetje rreth privatësisë, na shkruani te faqja e kontaktit.